Праграма выступлення ўдзельнікаў фестывалю Кобрынскага раёна была накіравана на раскрыццё фальклорных традыцый менавіта нашай мясцовасці.

У фальклорнай праграме прынялі ўдзел творчыя калектывы ДУА “Кобрынскі раённы цэнтр дзіцячай творчасці”, ДУА “Дывінская СШ”, ДУА “Навасёлкаўская СШ Кобрынскага раёна”, адбыўся агляд  ансамблевага выканальніцтва, агляд самабытных мясцовых дзіцячых абрадавых і пазаабрадавых гульняў, забаў, карагодаў каляндарнага цыклу, фальклорнага тэатра,  батлеечных тэатраў, тэатр дэманстрацыі касцюма, агляд твораў у стылі фольк-мадэрн, агляд абрадавых і пазаабрадавых песень, ансамблевых спеваў.

У межах фестывалю адбылася выстава  народнага дэкаратыўна-прыкладнога мастацтва, на якой былі прадстаўлены вырабы навучэнцаў  устаноў адукацыі Кобрынскага раёна.

Лепшыя фальклорныя нумары, выстава вырабаў і традыцыйных страў Кобрыншчыны,  навукова-даследчыя работы “Фальклорная спадчына”   прадставяць Кобрынскі раён на заключных імпрэзах VII адкрытага абласнога фестывалю фальклорнага мастацтва «Радавод»  (18 мая 2019 г.,  г. Пружаны).