У Дзівінскай сярэдняй школе педагог дадатковай адукацыі Юлія Віктараўна Піваварава акрамя заняткаў у аб’яднанні “Залатая саломка” падзялілася сваімі сакрэтамі напісання вершаў на беларускай мове на мерапрыемствах, што праводзіліся ў кожным класе з нагоды Міжнароднага Дня роднай мовы. Дзеці з задавальненнем гарталі калектыўныя зборнікі, у якіх былі надрукаваны вершы Юліі Віктараўны, чыталі іх і слухалі тлумачэнне незнаёмых яшчэ для малодшых школьнікаў беларускіх слоў. Празаічная замалёўка “Жанчына і каменне” дапамагла выклікаць на шчырую размову падлеткаў аб станоўчых і адмоўных рысах характару людзей. Вучні не толькі выказвалі свае думкі наконт дабра і зла, працавітасці і гультайства, але і ўспаміналі беларускія прыказкі на гэтую тэму.